RASSD TV

[فيديو][threecolumns]

سياسة

[سياسة][bsummary]

مجتمع

[مجتمع][bsummary]

المرأة

[المرأة][twocolumns]

مراسلاتكم

[مراسلاتكم][list]

حوادث

[حوادث][bleft]

صور

[صور][grids]

علاش ليلى العلوي مصوّرة يجب أن نتذكرها دائماً ؟


رصد المغربية - ايمان ملال

لأن ليلى العلوي ماكانتش كاتمشي تلتقط الصور فالمؤتمرات اللي كيديروها فأفخم الفنادق العالمية، مكانتش هوايتها تصوير الشخصيات الشهيرة وتعديل صورها بالفوتوشوب، مكانتش كتمشي تصوّر الأماكن الراقية فالعالم وتزيّف الحقيقة ديالها..
ليلى العلوي كانت تمشي لأعماق افريقيا شبه الصحراوية، كانت تبقى مع البنات المغتصبات فالمجتمع ديالهم وتحاول توصل قصصهم للعالم، كانت تمشي لأي بلاصة كان فيها الصداع ... أي بلاصة فيها ناس كتعاني باش توقف معاهم وتوصل رسالة للعالم بأن حتى هادوك ناس عندهم كرامة وأحلام وطموحات .. ليلى العلوي ماكانتش عايشة مع راجلها فمنطقة راقية وكتصوّر كل نهار راسها فالسيلفي هي وياه فأفخم المطاعم والمسابح العالمية .. ليلى العلوي خلات راجلها فالعاصمة بيروت ومشات هي لقعر العالم الثالث باش تبقى مع ناس محتاجينها ...
فواحد الرسالة سيفطاتها لكاتب مغربي من أصدقاءها قالت له فيها : ٱخر زيارة ليا هي هادي اللي غادي نمشي فيها لبوركينا فاصو .. فاش نرجع غادي نمشي لبيروت عند نبيل راه محتاجني بزاف .. وغادي نولد معاه ولد وبنت لأنه باغيهم من مدة طويلة ...
ليلى العلوي كانت كل مرة تمشي فيها لشي بلاصة فجنوب افريقيا كيبقاو عليها اصحابها: ماتمشيش .. راه خطر عليك .. وكتخليهم مقلقين عليها ..
ولكن هاد التضحية مامشاتش هباء .. شفت فالصفحة ديالها أكثر من شاب وشابة من جنوب افريقيا خلاو لها شهاداتهم تما كيقولو فيها: عاونتينا بزاف وخليتينا نبغيو الكتابة باش نعبرو على أحلامنا وطموحاتنا .. كنتي أختنا وصديقتنا وأعز شخص اقترب منا من بعد ما بعد العالم كلو علينا ...
لكن ليلى مابقاتش .. مارجعتش لراجلها .. وماولدتش معاه ..

هادشي علاش ليلى خاصنا نتفكروها !

اقرأ ايضا

التعليقات