RASSD TV

[فيديو][threecolumns]

سياسة

[سياسة][bsummary]

مجتمع

[مجتمع][bsummary]

المرأة

[المرأة][twocolumns]

مراسلاتكم

[مراسلاتكم][list]

حوادث

[حوادث][bleft]

صور

[صور][grids]

بالفيديو .. شاب من مدينة مكناس يروي تفاصيل الكريساج التي تعرض له من طرف مراقبي شركة سيتي باص


رصد المغربية - محمد أمين صالح عليوني

تعرضت اليوم لاعتداء وكريساج من طرف مراقبي les contrôleurs شركة City bus بمدينة مكناس والقصة كتالي:
صعدنا في الحافلة رقم 103 ويﻻه شي 20 دقيقو باش تحركات الحافلة المراقب كان قاعد اللور عيط على الروسفور لي تيقطع لوراق قاليه داك الدري معندوش الورقة دري تكون عندوا شي 10 سنوات فاش مشى الروسفور عند الدري قاليه ارى قطع ورقتك قاليه ها هيا عندي الورقة ووراها ليه شوية نقز خونا المراقب لي كان اللور قاليه قطع ليه ورقة راه ماشي نتاعوا هاديك الورقة راه عطاتها ليه المرأة لي نزﻻت قطع ليه وﻻ نزلوا فواحد المنطقة خاوية وخطيرة تسمى واد ويسﻻن نطق واحد الرجل خمسيني قاليه اشريف حشومة اعتبروا خوك صغير ما تنزلوش هنا فديك اللحطة انفجر المراقب في وجه الرجل قاليه دخل سوق راسك نتا وﻻ نزلك نتا وياااه قاليه الرجل ما منحقكش تنزلني قاليه نزلك ونزل مك تا هيا المهم تدخل واحد الشاب عشريني يعمل في وكالة بنكية قاليه انا نخلص تذكرة صافي قاليه المراقب والله ما يخلصها شي حد يخلصها هاد الرجل لنطق وﻻ ينزل هو والدري قاليه داك الشاب اودي هادشي راه ماشي فوضى تنزل لي بغيتي وتطلع لي بغبتي هنا توجه المراقب بشتم والسم لي شاب وتوجه باغي يضرب شاب تا بقاو ناس كولشي تيصفر ويغوت هز تلفونوا المراقب عيط لصحابوا قاليهوم تسناونا حدا marché centrale المهم انا كنت غادي ننزل قبل هاد المحطة لكن قلت حشومة انا حضرت الفيلم من الاول خاصني نشهد فهاد القضية و سمحت في خدمتي وكملت تا لمحطة الموعودة هنا بالحبسة نتاع الطوبيس طلعوا شي ستة وﻻ سبعة نتاع المراقبين شي ﻻبس الجيلي شي ﻻ  بمجرد الصعود نتاعهوم بداو يخبطوا فداك الرجل وداك الشاب بالعصى هنا مقديتش نتمالك راسي وبصفتي مواطن مغربي من مسؤوليتي نوثق هاد الاعتداء جبدت التلفون نتاعي صورت الاعتداء شوية شافني احد المراقبين قالهوم راه تيصور فإدا بهوم تيهجموا عليا كاملين واحد فيهوم حيد ليا النضاضر وجوج اخرين شدوني ونزلوني من طوبيس وبالقوة سرقوا ليا البزطام من الجيب والتلفون يﻻه جيت نقوله ارا التلفون واحد فيهوم غفلني بدون سابق انذار بلكمة لانفي لي رعفاتني صافي بقيت بﻻصتي تا مشا واحد السيد جابلي البزطام والتلفون ومجابش النضاضر البزطام كانت فيه 1000 درهم بقات غير 150 درهم و التلفون حيدوا منوا الكارط ميموار عند بالهم فيها الفيديوا اسعى انا داير الفيديوات نيشان تيدوزا للتلفون ماشي للكاراط مموار وشاب والرجل مكرفصين بالضرب عيطنا لاسعاف والشرطة جاو مشينا مع الاسعاف لمستسفى محمد الخامس ولقينا الكونطرول لي تعدا علينا مع جوج من شركة city bus طوا صبعوا وقالك ضربناه ودار شهادة طبية وحاليا راحنا وكلنا شي خمسة نتاع المحامين مع الشواهد الطبية لي فيها مدة العجز تسمح بالاعتقال زائد الشهود وان شاء الله لن اتراجع تا نصفيوا هاد الظلم لي قهروا الناس بيه وكنطلب المساندة الاعﻻمية من الاصدقاء راه هاد حملة زيرو كريساج تتعنينا كاملين اليوم انا غدا تقدر تكون نتا.

اقرأ ايضا

التعليقات