RASSD TV

[فيديو][threecolumns]

سياسة

[سياسة][bsummary]

مجتمع

[مجتمع][bsummary]

المرأة

[المرأة][twocolumns]

مراسلاتكم

[مراسلاتكم][list]

حوادث

[حوادث][bleft]

صور

[صور][grids]

مغربي يهنئ الدولة المغربية بحلول 2017 ويخص بالذكر أسوء 10 مسؤولين في سنة 2016


رصد المغربية - Marouane Lamharzi Alaoui

بمناسبة السنة الجديدة بغيت نتقدم بالتهنئة للدولة المغربية لي مازال مستحملة الحماق ديالنا وبغيت نخص بالذكر 10 ديال المسؤولين لي نورو العام ديالنا:
 
10- في المركز العاشر، بغيت نشكر العبقري في الدولة لي فكر يدير مسيرة ضد أخونة الدولة فوقت الإنتخابات.

09- في المركز التاسع، الحيطي وصفقة الأزبال المشبوهة لي دارت مع إيطاليا.

08- في المركز الثامن، كل الشكر للمسؤولين لي خرجو في وثائق بنما ولي للأسف ما بقيتش عاقل على الأسماء ديالهم بسبب غدة نسيت اسمها.
07- كل الشكر لوزارة الداخلية والحكومة وجميع المسؤولين على ضرب وتفرشيخ لي كلاوه الأساتذة المتدربين

06- في المركز السادس كنتمنى سنة "سعيدة" لوالي الرباط و اصدقائه من خدام الدولة وكنتمنى لهم إن شاء الله في 2017 قطع أرضية أكبر وأرخص وفي أرقى الأحياء.

05- كل الشكر لقناة 2M و معدي برنامج صباحيات دوزيم لي علمو العيالات كيفاش يخبعو الضرب ديال رجالهم

04- ما يمكنش ننساو البرلمان المغربي لي أصبح الحضور فيه فرض كفاية بالنسبة للبرلمانيين، أي إذا قام به البعض يسقط عن الكل.

03- الوكالة الوطنية لتقنين المواصلات لي بدل ما تحمي حقوق المواطن، استجبات لشركات الإتصال وقطعات علينا ال VOIP باش يسمسرو فينا كثر وكون ما في وجه الكور و COP22 كون كاع ما ردوه لينا.

02- في المرتبة الثانية، كايجي القضاء وخصوصا المحكمة الإبتدائية ديال بنجرير لي طلقات أشخاص قامو بإغتصاب وإبتزاز قاصر اسمها خديجة السويدي، ولي ما تم تشديد الأحكام ديالهم حتى حرقات البنت راسها وماتت بسباب هاد الظلم.
01- و أخيرا في المركز الأول، بغيت نشكر أي رجل سلطة ما كايديرش الفرق بين المواطنين، وكحكر على المغاربة بإختلاف اصولهم ومدنهم و أعراقهم ، بحال لي وقع مع "مي فتيحة" بائعة البغرير لي حرقات راسها في قنيطرة من بعد ما حكرها قائد المنطقة، ومحسن فكري بائع السمك من الحسيمة لي خداو له رزقو وإستهترو رجال السلطة بحياتو ومات مطحون في شاحنة ديال الزبل.

اقرأ ايضا
التعليقات